کیچ ( پریس ریلیز ) خلیل حاجی علیم
مردم ھیران انت کہ خلیل ءِ گناہ میار چے انت۔
گناہ ھمیش انت کہ پت ءَ سرد گرم شپ روچ ھچ نچاریتگ وتی غریبی مزدروی کتگ چار کلدار ءِ است؟
حاجی علیم منی دیم ءَ رستگ مزن بوتگ پت حاجی محمد شاہ ءِ بوتگ حاجی ءَ یک ٹریکٹر بوتگ کہ ھاک ءُ سنگ ءِ گشیت وتی لاپ ءِ درگیپتگ حاجی ءَ وت منی چمانی دیم ءَ وتی مات ءِ برات ءِ کرا پانچ لاکھ وام زرت ءُ یک ماسٹر گاڑی زرت مند چہ تُربَت ڈیزل برتگ بلکیں بنمال من داتگ ءُ حساب کتاب ءِ منی کرا بوتگ شپ روچ وھد ءُ بےوھد راہ بوتگ
بلے کسے کہ ھلاریں کار کنت اللہ تعالی آئی بروردا الم دنت ۔
علاقہ ءِ توک ءَ یک مردم ءِ درنیت کہ حاجی محمد شاہ ءَ حاجی علیم ءَ کسے ناراض کتگ ناکہ ھچ بر کسی کلدار ءِ وارتگ بلکیں انچیں شریفیں مردم بوتگاں کہ اگاں کسے بدءُرد بکرتیں آھاں جواب وتی جاگہ بے برمش ءَ پاد اتکگاں ءُ شتگاں منی لوگ بوتگ حاجی ءِ لوگ برے برے من اڑی کتگ کہ حاجی گھ وارتگ پلانی کہ ترا ھبر دنت انو رویں شر کنیں بلے حاجی گشتگ بلے ناسرپدے سر ءِ پرنبیت ۔
خلیل گونڈو ئے ءُ پدا سکیں سرپدیں چک نہ انت نو ایشی ءِ برگ کہ پت ءَ زر است مارا زر بدنت
اے مئے اصول ءَ مان نہ بوتگ کہ ٹیکس بدینت ما وتی غریبی گتگ کسی مال نہ برتگ ۔
موت زندگی اللہ ءِ دستءَ انت اگاں اے معصوم ءِ تاوان دئیگ ءَ بروکاں تاج ءِ سرا بیت گڈا بکن انت ئے اے تاج ءَ سرا۔
انوگیں ھالات مردم بچاریت گڈا مردم نازانت کہ کئی نام ءَ بگیپت ھور ءِ سر ءُ نوک ءِ چیر انت۔
آوار جنوکاں گوں دزبندی انت انسانی ھمدردی ءَ خلیل ءَ یلہ بکن انت
خلیل چا سرپدیں چکاں نہ انت پت ءَ آورتگ کراچی یک جاگہ ءِ وانگ ءَ داتگ اگاں کمو تو رندے ءِ راوگ پشت کپتیں ءِ گڈا اے وتی ھساب دگہ جاگہ ءِ شتگ
مردم اگاں گوں کس ءَ دژمنی ءِ داریت گڈا گونڈوئیں ءُ ناسرپدیں چک نہ بارت اے وا ھیرانی ءِ ھبر انت کہ مئے علاقہاں مردم ھچ بر نہ برتگ ءُ زر نہ گیپتگ کراچی نہ انت شما چکاں چیست کنے اے بلوچی قانون ءِ نہ انت پہ ملک مردمی پہ انسانی ھمدردی ءَ مات ءِ مریض انت ھمک ورچ ڈاکٹر ءِ کرا پیشی جنگا انت داں چک برتگ ڈاکٹر ءَ نئیت گوں بدتر نادراہ انت مات ءِ بزگی ءَ بچاریت اگاں شما توک ءَ تشے انسانیت است اے گونڈو ءَ یلہ کنے اللہ شمارا جزا خیر دنت۔