کوئٹہ ( ویب ڈیسک )بلوچ نیشنل موومنٹ ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ وتی درشانے ءَ گوشتگ کہ چار ماہ پیش 2 پروری ءَ پاکستانی پوجءُ آئی پولیس ءِ وتگڑیں سی ٹی ڈی ءَ زورگپتیں بلوچستان ءِ ھند ھب چوکی ءَ مئے گس ءَ بیڑ برتگ۔ ھمے بیڑ برگ ءِ میانءَ منی پت مھمد بکش ساجدی، منی دو ناکو مھمد رپیک بلوچ ءُ مھمد نئیم ساجدی آوار جتگ ءُ گوں وت برتگ اَنت۔
آئیءَ گوشتگ کہ چہ ھما روچ ءَ داں مرچی آیانی جاہ ءُ سلامتیءِ بابت ءَ ہچ سرپدی نہ رستگ۔ آ انگت پاکستان ءِ چیریں آزارجاھاں زور بیگواہ اَنت۔ اے چہ ھزارانی کچ ءَ ویلانی تہ ءَ یکے کہ ھمیشی رد ءَ بلوچ مھلوک زوریں بیگواھی، درکانودی کوش ءُ مچی سزا ءِ نشانگ بوگ ءَ اَنت۔ اے درچ چہ 1948 ءِ زورگپتی ءَ پد بندات بوتگ ءُ نوں چکچینی یے جوڑ بوتگ۔
ڈاکٹر نسیم بلوچ ءَ گوں میان استمانی تک ءَ لوٹ کرتگ کہ آ زوت دزمانجی بہ کن اَنت دانکہ اے چکچینی دارگ بہ بیت ءُ زوریں بیگواھی ھلاس کنگ بہ بیت۔