قلات (بلوچستان ٹوڈے) منگچر کے علاقے میں مسلح افراد اور لانگو قبائل کے درمیان جھڑپ کے نتیجے میں 5افراد ہلاک جبکہ 2زخمی ہوگئے۔ تفصیلات کے مطابق بدھ کو منگچرکے نواحی علاقے کلی کور میں نامعلوم مسلح افراد اورلانگو قبائل کے درمیان جھڑپ کے نتیجے میں فائرنگ سے 5افراد ہلاک جبکہ 2افرادزخمی ہوگئے ہلاک ہونے والوں میں سے ایک کی شناخت بالاچ خان ولد سعد اللہ کے نام سے ہوا ہے، دیگرچار افراد کی فوری شناخت نہیں ہوسکی ہے جبکہ دو زخمیوں میں نصراللہ لانگو اور راہ گیر داد سمالانی شامل ہیں ۔ نعشوں اورزخمیوں کو فوری طور پر ہسپتال پہنچادیا گیا مقامی انتظامیہ مزیدکارروائی کر رہی ہے۔