مستونگ ،کیچ ( نامہ نگاران ) بلوچستان کے ضلع کیچ سے پاکستانی فورسز کے ہاتھوں دو بھائیوں سمیت تین افراد کو حراست میں لینے کے بعد لاپتہ کیے جانے کی اطلاعات ملی ہیں۔
مقامی ذرائع کے مطابق واقعہ گزشتہ رات تین بجے کے قریب بلوچ آباد کے علاقے میں پیش آیا، جہاں فورسز نے عبدالواحد نامی شخص کے گھر پر چھاپہ مارا۔ لاپتہ ہونے والوں میں ہارون ولد محمد جان، حمود ولد محمد جان اور فہد ولد حاجی عثمان شامل ہیں۔
دوسری جانب مستونگ کی تحصیل دشت میں نامعلوم مسلح افراد نے 9 مزدوروں کو اغوا کر لیا۔ مزدور علاقے میں ایک زیر تعمیر فورسز چیک پوسٹ کی عمارت پر کام کر رہے تھے۔ اغوا ہونے والے مزدوروں کا تعلق پنجاب اور سندھ کے مختلف علاقوں سے بتایا جاتا ہے۔