ڈی آئی خان(بلوچستان ٹوڈے)ڈیرہ اسماعیل خان میں منی ٹرک کے کھائی میں گرجانے سے 11افراد جاں بحق ہوگئے۔ پولیس کے مطابق افسوسناک حادثہ درازندہ داناسر کے مقام پر منی ٹرک کا بریک فیل ہونے سے پیش آیا، بریک فیک ہونے سے منی ٹرک کھائی میں جا گرا۔پولیس نے بتایاکہ حادثے کے نتیجے میں 11افراد جاں بحق اور 3زخمی ہوئے۔پولیس کے مطابق ٹرک میں سوار افراد خانوزئی سے ڈیرہ اسماعیل خان جارہے تھے، حادثے کے بعد لاشوں اور زخمیوں کو ہسپتال منتقل کردیا ہے۔