کوئٹہ ( بلوچستان ٹوڈے) بلوچستان فوڈ اتھارٹی نے صحبت پور کے مرکزی بازار اور گرد و نواح میں مختلف دکانوں کی چیکنگ کی۔
دوران انسپیکشن دو بیکریوں کے خلاف اشیاء کی پیکنگ میں اخبار کے استعمال، تیار پروڈکٹس پر تیاری اور تاریخ تنسیخ ظاہر نہ کرنے ، ورکرز کی ذاتی صفائی کی خراب حالت اور مجموعی طور پر بلوچستان فوڈ اتھارٹی کےوضع کردہ ایس او پیز کی خلاف ورزی پر ایکشن لیا گیا ۔
دوران معائنہ چار دیگر بیکری مالکان کو معمولی نقائص پر اصلاحی نوٹسز جاری کیے گئے جبکہ مالکان کو نشاندہی کردہ نقائص کے حل کے لیے ترجیحی بنیادوں پر اقدامات کرنے کی بھی ہدایت کی گئی ۔علاوہ ازیں تین ہوٹل مالکان کو بھی امپروومنٹ نوٹسز جاری کیے گئے۔