کوئٹہ ( مانیٹرنگ ڈیسک )کوئٹہ دوسری شادی کیوں کی، طیش میں آئی پہلی بیوی نے شوہر کو گولی مار کر قتل کردیا۔
پولیس ذرائع کے مطابق کوئٹہ کے علاقے اسپنی روڈ خلجی کالونی کے رہائشی نعمت اللہ نے دس روز قبل دوسری شادی رچائی تھی۔
پولیس نے آلہ قتل سمیت ملزمہ بخت بی بی کو گرفتار کرکے ویمن پولیس اسٹیشن منتقل کردیا۔
علاوہ ازیں تمپ کے علاقہ میر آباد میں نامعلوم مسلح افراد کی فائرنگ سے ایک شخص شدید زخمی ہو گیا۔ پولیس زرائع کے مطابق زخمی شخص کی شناخت نصیر ولد نبی بخش کے نام سے ہوا ہے، جسے چھ گولیاں لگی ہیں۔
واقعے کی اطلاع ملتے ہی لیویز فورس موقع پر پہنچ گئی اور زخمی کو فوری طور پر قریبی ہسپتال منتقل کیا۔
لیویز حکام نے واقعے کی تحقیقات شروع کر دی ہیں اور ملزمان کی تلاش جاری ہے۔ تاہم فائرنگ کے محرکات تاحال معلوم نہیں ہو سکے ہیں ۔