وڈھ ( پریس ریلیز ) بلوچستان نیشنل پارٹی کے ترجمان نے جاری بیان میں کہاہے کہ بی این پی سربراہ سردار اختر مینگل اپنے بیٹے میر گورگین مینگل اور دیگر ساتھیوں کے ہمراہ بوگس ایف آئی آر کے اندراج کے خلاف گزشتہ 24 گھنٹوں سے پولیس تھانہ میں بیٹھے ہوئے ہیں، لیکن حکومتی سطح پر کوئی ٹھوس اقدام یا پیش رفت سامنے نہیں آئی ہے۔
انہوں نے کہاکہ اس غیر سنجیدہ رویے کے باعث سیاسی حلقوں میں مزید تشویش بڑھ رہی ہے اور عوام کی جانب سے حکومتی بے حسی پر سوالات اٹھائے جا رہے ہے۔
اس صورتحال میں حکومت کی جانب سے تاحال کوئی واضح پیش رفت نہیں ہوئی، جس سے سیاسی اور عوامی حلقوں میں مزید بے چینی اور غم و غصہ پایا جا رہا ہے۔
سردار اختر جان مینگل اور ان کے ساتھیوں نے وڈھ پولیس تھانہ میں سحری بھی کی۔