بلوچستان لبریشن فرنٹ کے ترجمان میجر گہرام بلوچ نے بیان جاری کرتے ہوئے کہا ہے کہ سرمچاروں نے کیچ کے علاقے ہیرونک میں قائم قابض پاکستانی فورسز کے کیمپ کو حملے میں نشانہ بنایا۔
انہوں نے کہا ہے کہ گزشتہ رات 12:00 بجے سرمچاروں نے کیچ کے علاقے ہیرنک میں قائم قابض پاکستانی فورسز کے کیمپ کو جدید و خودکار ہتھیاروں سے حملے نشانہ بنایا، جس کے نتیجے میں قابض فورسز کو جانی و مالی نقصانات کا سامنا کرنا پڑا۔
بیان میں کہا گیا ہے کہ بلوچستان لبریشن فرنٹ اس حملے کی زمہ داری قبول کرتی ہے اور بلوچستان کی آزادی تک قابض فورسز پر حملے جاری رہینگے۔
ترجمان نے دوسری بیان میں کہا ہے کہ سرمچاروں نے گزشتہ رات 9 بجے کیچ کے علاقے گورکوپ نیامی کلگ میں سرودی کے مقام پر قائم قابض پاکستانی فورسز کے کیمپ پر جدید و بھاری ہتھیاروں سے حملہ کرکے فوج کے ایک اہلکار ہلاک اور دو کو زخمی کیا۔ جبکہ حملے میں فورسز کو مالی نقصانات کا بھی سامنا کرنا پڑا۔
انہوں نے کہا کہ حملے کے بعد قابض فورسز نے حسب معمول شہری آبادی پر متعدد مارٹر گولے داغے اور کافی دیر تک فائرنگ کی تاہم سرمچار اپنی کامیاب حکمت عملی کے تحت محفوظ مقامات پر پہنچ گئے۔
ترجمان نے آخر میں کہا کہ بلوچستان لبریشن فرنٹ اس حملے کی ذمہ داری قبول کرتی ہے اور بلوچستان کی مکمل آزادی اور قابض افواج کے انخلاء تک ہمارے حملے جاری رہینگے۔