خاران ( مانیٹرنگ ڈیسک )بلوچستان لبریشن فرنٹ کے ترجمان میجر گہرام بلوچ نے بیان جاری کرتے ہوئے کہا ہے کہ سرمچاروں نے دس نومبر بروز اتوار دوپہر تین بجے خاران کے علاقے جلال زئی اور سرگردان میں سی پیک لنک روڈ پر تعمیراتی کاموں میں مصروف کمپنی کے دو مختلف مقام پر بیک وقت حملہ کرکے مشینریز کو نذر آتش کیا۔
انہوں نے کہا ہےکہ اس سے قبل مذکورہ کمپنی کے بلڈوزر کو سرمچاروں نے نذر آتش کیا اور تنبیہ بھی کیا تھا کہ وہ ریاست منصوبوں سے دور رہیں اور آج ایک دفعہ پھر تنبیہ کرتے ہیں کہ سامراجی پروجیکٹ بلوچ زمین پر کسی صورت قبول نہیں کرینگے۔
ترجمان نے کہا ہےکہ بلوچستان لبریشن فرنٹ اس حملے کی ذمہ داری قبول کرتی ہے اور اس عزم کو دہراتی ہے کہ آزاد بلوچستان کے حصول تک قابض فوج انکے ہمنواؤں اور سامراجی پروجیکٹ کو نشانہ بناتے رہیں گے۔