خضدار، جعفر آباد ،لورالائی (مانیٹرنگ ڈیسک )باغبانہ میں موٹرسائیکل چھیننے کے دوران مزاحمت پرفائرنگ ایک شخص قتل چور موٹرسائیکل لے اڑے ۔
تفصیلات کے مطابق باغبانہ باجوئی لنک روڈ پر چوری کی واردات میں مزاہمت پرایک شخص قادربخش غلامانی قتل چور موٹر سائیکل لے اڑے ۔
باغبانہ لیویز مختلف زاویوں سے پیش آنے والے واقعہ کی تحقیقات کررہے ہیں۔
ادھر جعفر آباد میں ملزم شوہر نے اپنے بیوی کو ہتھوڑے کے وار سے قتل کردیا اور فرار ہوگیا۔
تفصیلات کے مطابق گذشتہ روز جمعرات کے دن بلوچستان کے علاقے جعفر آباد گوٹھ بلاول جمالی میں پیش آیا جہاں ایک شخص نے گھریلو ناچاقی پر ہتھوڑے سے وار کرکے اپنی بیوی اسکول ٹیچر کو ہلاک کردیا اور موقع سے فرار ہوگیا۔
پولیس نے نعش قبضے میں لیکر ہسپتال پہنچاکر ضروری کارروائی کے بعد ورثاء کے حوالے کردی اور مقدمہ درج کرکے ملزم کی تلاش شروع کردی ہے۔
دریں اثناء لورالائی لیویز کی گاڑی اور ٹرک میں تصادم کے نتیجے میں تین اہلکار زخمی ہوگئے۔
تفصیلات کے مطابق تحصیل میختر کے علاقہ چچلو چیک پوسٹ کے قریب لیویز کی گاڑی اور ٹرک میں تصادم کے نتیجے میں لیویز کیو آر ایف کے تین سپاہی زخمی لیویز کی گاڑی صبح پانچ بجے میختر سے چیکنگ کے لئیے گئی تھی چیکنگ کے لئے اس گاڑی کے ساتھ کوئی آفیسر یا لیویز انچارج نہیں تھا صرف کیو آر ایف کے سپاہی گاڑیوں کی چیکنگ کر نے گئے تھے انکی گاڑی کو حادثہ پیش آگیا زخمیوں کو لورالائی ٹیچنگ ہسپتال پہنچایا گیا معمولی مرہم پٹی کے بعد فارغ کر دیا۔