مستونگ کے علاقے اسپلنجی میں پاکستان فوج کے ہیلی کاپٹروں کی گشت پچھلے دو دنوں سے مسلسل جاری، مزید چوکیاں قائم کردی گئیں ،جبکہ کیچ کے علاقہ ہوشاپ سمیت دیگر علاقوں میں بھی ہیلی کاپٹروں کو گشت کرتے دیکھا گیا ہے ۔
ذرائع کے مطابق فورسز کی جانب سے چیک پوسٹوں پر سخت چیکنگ کا سلسلہ جاری ہے جبکہ فورسز نے اسپلنجی و نواح میں مزید چوکیاں قائم کردی ہیں۔
علاقائی ذرائع کا کہنا ہے کہ فورسز کی متعدد گاڑیوں پر مشتمل قافلہ مچھ سے اسپلنجی پہنچ گیا ہے ۔
مزید برآں علاقے میں موبائل نیٹورکس کو بند رکھا گیا ہے۔ علاقے میں بڑے پیمانے پر فوجی کشی کے خدشے کا اظہار کیا جارہا ہے۔
آپ کو علم ہے گذشتہ روز قلات کے پہاڑی سلسلوں فوجی ہیلی کاپٹروں کی دن بھر گشت جاری رہی ،جبکہ سائیجی میں پاکستان فوج کے قافلوں کی آمد کا سلسلہ جاری رہا اور نئی چوکیاں قائم کرنے کی خبریں بھی ملیں۔
تازہ اطلاعات ہیں کہ کیچ ہوشاپ سمیت دیگر پہاڑوں پر ہیلی کاپٹروں کی گشت بھی جاری ہے ۔