کیچ تربت کے علاقہ تمپ کوھاڑ میں مسلح افراد کا ایک گھر پرجدید ہتھیاروں سے حملہ، جانی و مالی نقصانات کی اطلاعات ۔
زرائع کے مطابق تمپ کے علاقہ کوھاڈ میں نامعلوم مسلح افراد نے مسلم ولد ملک داد نامی شخص کی رہائش گاہ کا گھیراؤ کرکے اس پر بھاری ہتھیاروں سے حملہ کیا۔جس کے نتیجے میں ایک شخص کے زخمی ہونے کے ساتھ ساتھ گھر میں کھڑی ایک گاڑی جلنے کی تصدیق کی گئی ہے۔ جب کہ غیر مصدقہ اطلاعات ہیں کہ مسلح افراد گھر میں موجود ایک شخص کو اغوا کرکے لے گئے ہیں۔
اس واقعہ سے متعلق مذید معلومات کے لیے انتظامیہ سے رابطہ کی کوشش کی جاری ہے ،مگر ان کی جانب سے کوئی معلومات دستیاب نہیں ہیں۔