نال فائرنگ سے ایک شخص قتل۔ خاران گندم سے لوڈ ٹرک چوری ،مستونگ چوریوں میں اضافہ

 

خضدار  سب تحصیل نال گروک کے علاقے لامبی میں رات گئے نامعلوم افراد کی فائرنگ سے عبدلخالق میروانی نامی شخص  قتل ہوگیا  ۔

قتل کی وجہ معلوم نہ ہوسکا تاہم نال کے متعلقہ انتظامیہ مقدمہ درج کرکے تفتیش کر رہی ہے۔

علاوہ ازیں خاران و نوشکی کے ایریا سے گندم سے لوڈ مزدا ٹرک کے ساتھ چوری ہوگئی گزشتہ رات خاران سے نوشکی کی طرف جاتے ہوئے (سلطان چڑھائی) البت کے ایریا سے گندم سے لوڈ ATC مزدا نمبر TKK 036 کو چوروں نے ڈرائیوروں کو ہاتھ پاوں باندھ کر لوڈ گاڑی لے گئے ہیں خاران اور نوشکی انتظامیہ چقری شدہ ٹرک کی برآمدگی کے لئے مختلف جگہوں پر چھاپہ مارہی

ہیں۔

ادھر مستونگ شہر سمیت ضلع بھر میں مرکزی شاہراہوں پر چوری و بدامنی میں اچانک اضافہ ہونے لگا ۔ دو دنوں میں مستونگ میں چوری و ڈکیتی کے تین واقعات غلام پڑینز، کونگھڑھ اور گزشتہ رات خواصام میں ایک گھر میں مسلح ڈکیتی کی واردات میں 2 موٹرسائیکلیں نقدی موبائل لوٹنے کی اطلاع موصول ہوئی۔

علاقائی ذرائع کے مطابق وارداتوں میں ایک بار پھر سیکورٹی فورسز ایف سی کی یونیفارم مبینہ طور پر استمال ہوا ہے، جس کی وجہ سے شہریوں میں سخت بیچینی پائی جارہی ہیں۔