گوادر گزشتہ رات گوادر فش ہاربر جیٹی پر سندھ سے تعلق رکھنے والے منور نامی ماہیگیر سمندر میں گرگیا ، گزشتہ رات مقامی لوگوں اور تھرڈ ایف پی بٹالین کے اہلکاروں نے تلاش کیا مل نہ سکا۔
آج صبح تھرڈ ایف پی بٹالین کے غوطہ خوروں نے ریسکیو کرکے ان کی نعش کو برآمد کرلیا۔ نعش پولیس نے تحویل میں لے کر ضروری کاروائی کے لیے بذریعہ ایمبولینس ہسپتال منتقل کردیا ہے ۔
ڈیرہ مراد جمالی اللہ والا چوک کے قریب نامعلوم مسلح افراد نے پرانی دشمنی کے بناپر فائرنگ کرکے قیدی شاخ کے رہائشی نظر محمد ولد شربت خان ہجوانی جمالی کو شدید زخمی کردیا اور فرار ہوگئے ،جسے سول ہسپتال منتقل کردیا گیا ہے ۔
پنجگور کلیری پروم کے رہائشی داد محمد ولد محمد کریم نامی شخص کے معصوم بچے کو سانپ نے ڈس لیا ہے ،بتایا جارہاہے کہ ہسپتال میں ادویات نہ ملنے سے ھلاک ہوگیا ہے ۔
ضلع خضدار کے تحصیل وڈھ سے اطلاعات ہیں کہ دراکھالہ کے رہائشی نے خودکشی کرلی ہے۔
ذرائع کے مطابق اقبال ولد کریم شیخ نامی شخص نے خودکشی کی ہے تاہم خودکشی کے وجوہات معلوم نہیں ہوسکے ہیں۔