بلوچ لبریشن آرمی بی ایل اے کے ترجمان جیئند بلوچ نے جاری بیان میں کہاہے کہ سرمچاروں نے گذشتہ دنوں شال کے نواحی علاقے ولی تنگی میں قابض پاکستانی فوج کے ایک کیمپ پر مکمل قبضہ کرکے گیارہ اہلکاروں کو ہلاک کردیا اور دشمن کا فوجی ساز و سامان اپنے قبضے میں لے لیا ہے۔
انھوں نے کہاہے کہ بی ایل اے کے سرمچاروں نے 14 ستمبر 2023 کی شام تقریباً 6 بجے کے قریب کوئٹہ کے قریب ولی تنگی کے مقام پر قابض پاکستانی فوج کے ایک کیمپ کے حفاظتی پوسٹس پر حملہ کرکے، کیمپ پر مکمل قبضہ کرلیا۔
انھوں نے کہاہے کہ سرمچاروں نے دشمن فوج کو مختلف اطراف سے گھیرنے کے بعد راکٹ اور دیگر بھاری ہتھیاروں سے حملہ کیا، جس سے دشمن حواس باختہ ہوگیا، دشمن افواج اپنا اسلحہ اور ہلاک و زخمیوں کو چھوڑ کر فرار ہوگئے۔
ترجمان نے کہاہے کہ سرمچاروں نے قابض فوج کے کیمپ کے دو پوسٹوں کو مکمل اپنے قبضے میں لیا جبکہ تیسرا پوسٹ جو کہ ایک اسلحہ ڈپو تھا، اسے راکٹ حملے میں تباہ کردیا گیا، جس کے نتیجے میں دشمن کا اسلحہ کا ذخیرہ مکمل تباہ جبکہ پوسٹ پر تعینات تمام اہلکار ہلاک ہوگئے۔
حملے کے نتیجے میں قابض فوج کے صوبیدار قیصر رحیم بھٹہ سکنہ کوٹ ادو سمیت 11 اہلکار ہلاک ہوگئے جبکہ قبضے کے بعد دشمن کا اسلحہ کا ذخیرہ و تمام سازوسامان بلوچ سرمچاروں نے اپنے قبضے میں لے لیا۔
بلوچ لبریشن آرمی اس حملے کی ذمہ داری قبول کرتی ہے اور اس عزم کا اعادہ کرتی ہے کہ قابض پاکستانی فوج کی مکمل انخلاء تک دشمن پر اسی طرح کے کاری ضرب لگائے جائیں گے۔