آواران کے تحصیل مشکے کے علاقے جکی میں پیر کے روز الصبح نامعلوم مسلح افراد نے مددعلی ولد شفیع محمد سکنہ جکی مشکے کے گھر میں گھس کر فائرنگ کی جس کے نتیجے میں دو افراد مدد علی ولد شفیع محمد اور اس کے والد شفیع محمد ولد نندو ذات محمد حسنی موقع پر جان بحق ہوگئے ۔جبکہ فائرنگ سے ایک شخص عبیداللہ ولد مدد علی زخمی ہوگیا ۔
اطلاع ملتے ہی لیویز فورس جائے وقوعہ پر پہنچ کر زخمی اور نعشوں کو آر ایچ سی ہسپتال مشکے منتقل کر دیا جہاں ضروری کارروائی کے بعد نعشیں ورثاء کے حوالے کردیئے گئے۔
اس طرح کیچ کے مرکزی شہر تربت سنگانی سر میں نامعلوم مسلح افراد نے فائرنگ کرکے سفیان ولد عبدالحمید سکنہ کراچی نامی شخص کو زخمی کردیا ھلاک کرکے فرار ہوگئے ۔
واقع کے بعد پولیس موقع پر پہنچ کر زخمی کو طبی امداد دینے کے لیے ٹیچنگ ہسپتال منتقل کردیا جہاں وہ جانبر نہ ہوسکے ۔
مزیدتفتش تربت پولیس کر رہی ہے۔
دریں اثناء مچھ کوئلہ کان میں بجلی کا کرنٹ لگنے سے نور حسین نامی کان کن ھلاک ہوگیا ۔ بعد ازاں نعش سول ہسپتال مچھ منتقل کردیا گیا ۔
مقامی انتظامیہ کے مطابق ضابطے کی کاروائی کے بعد نعش اس کے آبائی علاقے روانہ کر دیا جاۓ گا۔