تربت کے علاقے میں نامعلوم افراد نے فائرنگ کرکے ایک شخص کو ہلاک کردیا۔ پولیس کے مطابق ہفتہ کو تربت کے علاقے میری بگ میں نامعلوم مسلح افراد نے فائرنگ کرکے ایک شخص حسن جان کو ہلاک کردیا اورموقع سے فرار ہوگئے۔
پولیس نے نعش قبضے میں لیکرہسپتال پہنچاکر ضروری کارروائی کے بعد ورثاءکے حوالے کردی اورمقدمہ درج کرکے ملزمان کی تلاش شروع کردی۔
تربت زمیاد گاڑی کی ٹکر سے رکشہ سوار ہلاک، ساتھی زخمی۔
پولیس کے مطابق تجابان کے علاقہ میں ایک تیز رفتار زمیاد گاڑی کی ٹکر سے رکشہ میں سوار برکت ولد مولداد سکنہ تجابان نامی شخص موقع پر ہلاک جبکہ ان کا ساتھی زخمی ہوگیا۔
صحبت پور میں بجلی کا کرنٹ لگنے سے باپ بیٹی ھلاک ہوگئے ،پولیس کے مطابق فضل الحق بگٹی اپنی بیٹی کو بچاتے ہوئے شدید زخمی ہوگیا جو ہسپتال لے جاتے ہوئے راستے میں دم توڑ گیا۔
وندر کراچی سے پنجگور جانے والی تیز رفتار ٹو ڈی کار موٹر سائیکل کو بچاتے ہوئے بے قابو ہوکر الٹ گئی جس کے نتیجے میں کار میں سوار خواتین اور بچے شدید زخمی ہوگئے ،جنہیں طبی امداد فراہم کرنے کیلئے وندر ہسپتال منتقل کردیا گیاہے۔
دریں اثناء ہرنائی کے علاقے گوچینہ تور غر پہاڑ سنگنڈی سے ایک شخص جان محمد ولد محبت خان سکنہ محلہ ڈیگاری شال کی نعش ملی ہے۔تاہم قتل کے وجوہات معلوم نہیں ہوسکے ہیں ۔