جعفرآباد باخبر ذرائع کے مطابق پولیس تھانہ کیٹل فارم کے حدود میں دشتی برادری کے دو گروپوں میں جھگڑا جس کے نتیجے میں متعدد افراد شدید زخمی ہو گئے ، زرائع کے مطابق زخمیوں کو فوری طور سول ہسپتال اوستا محمد منتقل کیا گیا ،جہاں پر انہیں طبعی امداد دی گئی ۔مزید علاج کے لیے زخمیوں کو لاڑکانہ ریفر کردیا گیا۔
بتایا جارہاہے کہ ایک شخص زخموں کی تاب نا لاتے ہوئے ھلاک ہو گیا ۔
ادھر پشاور خیبر کے باڑہ علاقہ ملک دین خیل میں نامعلوم افراد نے گھر میں گھس کر فائرنگ کی اور موقع سے فرار ہوگئے، قتل کرنے کی وجوہات معلوم نہ ہوسکی۔پولیس کا کہنا ہے کہ مقتولین کا تعلق ایک ہی خاندان سے ہے، تحقیقات جاری ہے۔
دریں اثناء فیصل آبادکے نواحی علاقہ نلے والاپُل چک جھمرہ کے قریب موٹر سائیکل ڈمپر سے ٹکراگئی جس کے نتیجے میں چک75ر۔ب لوہکے کے رہائشی 22سالہ ثقلین اعجاز، 25سالہ عمران عرف مانی موقع پر ھلاک ہوگئے ،نعش اورزخمی کو ہسپتال منتقل کیا گیا ہے ۔ضروری قانونی کارروائی کے بعدنعشیں ورثاء کے سپردکردی گئی ہیں