حب میں مبینہ پولیس مقابلہ، ڈاکو ہلاک، ایک گرفتار۔ پولیس ذرائع کے مطابق ساکران پولیس کا لنگ لوہار کے علاقے میں مبینہ ڈاکوﺅں سے مقابلہ ہوا جس میں ایک ڈاکو ہلاک اور دوسرا گرفتار کرلیا گیا ۔
علاوہ ازیں بلوچستان کے دارالحکومت شال میں خنجر کے وار کرکے ایک شخص کو قتل کردیا گیا ۔ ایدھی حکام کے مطابق گزشتہ روز شال کے علاقے کلی شابو میں لڑائی جھگڑے کے نتیجے میں شجاع خان نامی شخص قتل ہوا ۔
ادھر پنجگور میونسپل کمیٹی تسپ میں نامعلوم مسلح افراد کی فائرنگ سے ابراہیم ولد جمیل نامی شخص زخمی ہوا ، جنہیں ٹیچنگ ہسپتال منتقل کردیا گیا ذرائع کے مطابق یہ واقع اس وقت پیش آیا کہ نامعلوم مسلح افراد نے ابراہیم کے گھر کے دروازے پر دستک د ے دیا ، جب وہ باہر نکلے تو مسلح افراد نے موبائل فون مانگا نہ دینے پر انہوں نے فائرنگ کرکے انہیں زخمی کردیا زخمی پی ٹی سی ایل کا ملازم بتایا جاتا ہے مزید تفتیش پولیس کررہی ہے ۔
علاقائی ذرائع کے مطابق زخمی کو تسپ ہسپتال لے جایا گیا جہاں ڈاکٹروں کی عدم موجودگی پر لواحقین سراپا احتجاج بن گئے ۔