مشہور بلوچ گوریلا کمانڈر شیر محمد مری کے فرزند جلاوطن بلوچ قوم پرست رہنما شیرعالم مری نے بیان دیتے ہوے کہا کہ سندھی قوم پرست شفیع برفت کے سوشل میڈیا پر بلوچستان کے جغرافیہ حدود اور بلوچ قوم پرست شیر محمد مری کے حوالہ سے باتوں کی صداقت سے دور کا واسطہ نہیں ہے اس لئے انھیں
محض ایک غلط فہیمی سمجھتا ہوں۔ ہمارے طرح محکومی کے شکار سندھی قوم سے بلوچ قوم اور میرے والد متحرم کے تعلقات محض غلامی سے آزادی حاصل کرنے کے بنا پر تھے۔ مگر ہرگز اسکا یہ مطلب نہیں کہ ہمارے تاریخی حدود کو غلط تعین اور ہمارے بزرگوں کے برادرانہ تعلقات کو غلط پیش کیاجائے ۔ جسکی ہم ہرگز اجازت نہیں دیتے۔
انھوں نے کہاکہ اگر سندھی قوم پرست شفیع برفت کے پاس اگر بزرگ رہنما شیر محمد مری کے 1987 میں بلوچستان کو سندھ کی صوبہ بننے کی تجویز کی کوئی ثبوت ہے ، تو وہ سندھی اور بلوچ قوم کے سامنے لائیں۔ اگر ثبوت پیش نہیں کرسکتے تو شفیع برفت کے اس انٹرویو کو ہم محض قیاس آرائیوں پر مبنی اور من گھڑت سوچ تصور کرتے ہیں۔
انھوں نے کہاکہ شفیع برفت ایک محکوم قوم یعنی سندھی قوم کے آزادی کے ترجمانی کرنے کی دعوئ دار اور ایسے بچگانہ سوچ اور بچگانہ روش کے ساتھ آزادی کی طلبگار بھی ہے۔
انھوں نے کہاکہ ہم کہہ سکتے ہیں کہ ایسے منفی سوچ کے ساتھ قوموں کو آزادی نہیں بلکہ غلامی نصیب ہوتی ہے۔