بلوچستان کے ضلع کوہلو میں آج صبح پاکستانی فوج نے آپریشن کا آغاز کردیا ہے۔ آپریشن میں گن شپ و دیگر ہیلی کاپٹر حصہ لے رہے ہیں۔
علاقائی ذرائع کے مطابق جنتلی، سخین اور لوپ کے علاقے و گردنواح آپریشن کی زد میں ہے جبکہ ہیلی کاپٹروں کی آمد و رفت جاری ہے۔
ذرائع کا کہنا ہے کہ گذشتہ رات ڈرون طیاروں کی پروازیں جاری رہی اور آج صبح ہیلی کاپٹروں نے مختلف مقامات پر شیلنگ کے بعد فوجی اہلکار اتار رہے ہیں۔
علاقہ محصور ہونے کے باعث مزید معلومات تک رسائی ممکن نہیں ہوسکی ہے اور نہ ہی عسکری حکام نے تاحال اس حوالے سے کوئی موقف پیش کیا ہے۔
دریں اثناء ضلع سبی میں نامعلوم افراد نے سبی کے علاقے ناڑی گاج روڈ پر قائم پاکستانی فورسز کے چوکی کو دستی بم حملے میں نشانہ بنایا ہے۔
ذرائع کے مطابق حملے میں فورسز کو نقصان کا سامنا رہا ہے تاہم حکام کا موقف اس حوالے سے تاحال سامنے نہیں آیا ہے۔