کوئٹہ کاونٹرٹررزم ڈیپارٹمنٹ سی ٹی ڈی کے ترجمان نےنام ظاہر نہ کرتے ہوئے دعویٰ کیا ہے کہ فورسز نے شال کے علاقے سیٹلائٹ ٹاؤن لیڈیز پارک کے قریب کاروائی کرتے ہوئے بلوچستان لبریشن فرنٹ کے ایک خاتون خود کش بمبار کو حراست میں لیکر خودکش جیکٹ برآمد کرلیا ہے ۔
سی ٹی ڈی ترجمان کے مطابق فورسز کی کاروائی میں خاتون خودکش بمبار سے چار کلو وزنی بارودی جیکٹ بھی قبضے میں لے لیا گیا ہے-
آپ کو علم ہے گذشتہ شب 11 بجے کے قریب بلوچستان کے مرکزی شہر شال سے پاکستانی فورسز نے شہید ندیم بلوچ کی بیوہ ماحل بلوچ کو ان کے بچوں اور ساس سمیت گھر سے حراست میں لے کر جبری گمشدگی کا شکار بناکر نامعلوم مقام منتقل کردیاتھا رات بھر تشدد کے بعد صبح ان کی ساس اور بچوں کو چھوڑ دیاتھا ۔
تازہ ترین اطلاعات کے مطابق خبریں رپورٹ ہونے کے بعد سی ٹی ڈی نے شناخت ظاہر نہ کرتے ہوئے ایک خاتون کو گرفتار کرنے کا دعویٰ کیا ہے-
خواتین کی جبری گمشدگی پر بلوچ حلقے میں شدید غم و غصہ پایا جارہا ہے۔