افغانستان کے مشرقی صوبے کنڑ میں ریمورٹ کنٹرول بم کے ایک حملے میں کالعدم ٹی ٹی پی باجوڑ ایجنسی سے تعلق رکھنے والے سینیئر کمانڈر عبداللہ باجوڑی 2 ساتھیوں سمیت شدید زخمی ہو گئے ہیں ۔
ذرائع کا کہنا ہے کہ خیبر پختونخوا کے قبائلی علاقے باجوڑ ایجنسی سے تعلق رکھنے والے کالعدم تنظیم کے کمانڈر مولانا عبداللہ کی گاڑی پر صبح اس وقت حملہ ہوا جب وہ گھر سے کہیں جارہے تھے کہ راستے میں پہلے سے نصب بم کو ریمورٹ کنٹرول سے اڑا دیا گیا جس کے نتیجے میں مولانا سمیت دو جنگجؤوں زخمی ہوئے، دیگر زخمیو کی شناخت حمزہ اور گلونو بابا عرف حکومت بابا کے نام سے ہوئے ہیں ـ
ذرائع کا کہنا ہے کہ گزشتہ دنوں مولانا عبداللہ باجوڑی کی رہائش گاہ پر افغان طالبان نے چھاپا بھی مارا تھا اور گھر کا گھیراؤ بھی کیا تھا۔ تاہم بعد میں مسئلے کو افہام و تفہیم سے حل کرادیا گیا تھا ۔
