کولواہ: آواران ءِ ھند کولواہ ءَ دو روچ بیت کہ پاکستانی لشکر بازیں کچے ءَ کوھاں پترتگ ءُ لشکر کشی کنگ ءَ اِنت۔
زْرمبش اھوالکار ءِ رد ءَ پاکستانی لشکر ءَ دو روچ ءَ پیش گیشکور، ھور، گرڈی ءُ سھر ءَ مردمانی اولاک ھرّ ءُ ھُشتر لوٹ اِتگ اَنت مردماں وتی اولاک نہ داتگ اَنت پرندوشی ئیں شپ ءَ پاکستانی لشکر ءُ ھندی چریکاں مردمانی ھرّ ءُ ھشتر پچ کرتگ ءُ برتگ اَنت۔ پاکستانی لشکر بازیں کچے ءَ کوھاں پترتگ ءُ لشکر کشی کنگ ءَ اِنت۔
