گوادر: بلوچ راجی زْرمبشت ( بی این ایم ) ءِ مردمی اگبالانی ادارہ پانک ءِ چاگردی رسانکدر ٹویٹر ءَ وتی درشانی ءَ گوشتگ کہ بیست ءُ سے جون ءَ گوادر ءَ پاکستانی سروزیر سھباز شریپ ءِ آھگ ءَ روچے پیش دو بلوچ ورنا چہ گٹی ڈور گوادر ءَ زورانسری بیگواہ کنگ بیتگ۔ انچش گمان کنگ بیتگ کہ ریاست بلوچستان ءَ زورانسری بیگواھی ءِ گِر ءُ دار کنگ ءِ وڑ ءَ نہ اِنت۔ ما گوں اکوام متھدہ ءَ لوٹ کناں کہ آ دلگوش ءَ گور بہ کنت۔
آئی دیمتر ءَ گوشتگ کہ زورانسری بیگواھیں مردمانی پجار ھبدہ سالیگیں ھلیل ء جلیل ءُ جیھند ء ھلیل ناماں زانگ بیتگ اَنت۔ دوئیں بیگواھیں ورنا دشت جان مھمد بازار ءِ جھمنند اَنت۔
