ھوشاپ ءَ پاکستانی لشکر ءِ بگیری ءَ زھرشانی برجاہ

ھوشاپ ءَ پاکستانی لشکر ءِ زُلم ءُ زوراکی ءِ بگیری ءَ دگ بند کتگ ءُ زھرشانی برجاہ ءَ اِنت- گیشیں ھالانی رِد ءَ کیچ ءِ دمگ ھوشاپ تجابان ءَ ایپ سی ءِ نیمگ ءَ ھمکروچی مارٹر آس دیگ ءُ دمگ ءَ مردماں زلیل کنگ ءِ بگیری ءَ ھوشاپ ءِ نندوکیں مھلوک ءَ سی پیک دگ بند کتگ ءُ ایپ سی ءِ دراھگ ءَ تاں زھرشانی ءِ برجاہ دارگ ءِ جار ءَ جنگ ءَ اَنت- زھرشانی کنوکانی گْوشگ اِنت بلوچستان ءِ مردماں گیشتر تُرس چہ پھازوکی ادارھان اِنت- زھرشانی کنوکانی لوٹ ھمش اِنت ایپ سی چہ بلوچستان ءَ در کنگ بہ بیت-