تربت: آسکانی ءَ 24 اپریل 2022 ءَ پاکستانی چیریں ادارھانی کارمنداں بیڑ برتگ ءُ دو براتاں ھوار سے ورنا آوار جتگ۔
زْرمبش اھوالکار ءِ رد ءَ نسیم ء لابکش، ماجد ء لال بکش ءُ دولت ء مھمد الی زورانسری آوار جنگ بیتگ اَنت۔ سے ئیں ورنا کیلکور گڈگی ءِ جھمنند اَنت۔ چہ آوار جنگ ءَ پد انگت آیانی ھچ وڑیں ھال نیست۔ اے ورناھانی آوار جنوکیں مردم کاسم پرومی ءُ پکیروک پرومی ءِ ٹولی ءِ کارمند بیتگ اَنت۔ چیریں ادارھانی کارمند مردمانی زورانسری آوار جنی ءَ اَبید آدگہ چاگردی سلکاریاں دُزی، مردمانی پہ زور زْر گرگ ءُ نشہ ءِ باپاری ءَ تچکی ءَ ھوار اَنت۔
