پسنی: جنکانی وانگجاہ چربندن ءِ نودربراں ٹیچر ءِ کمی ءِ بگیری ءَ وانگ ءُ زانگی تک ءِ کارگس ءِ دیم ءَ زھرشانی کرتگ۔ آیاں پلے کارڈ دستاں بیتگ ءُ آیانی سر ءَ رھدربر، وانگجاہ ءِ ماڑی ءُ آدگہ لوٹانی بابت ءَ اوگام نبشتہ بیتگ۔
نودربراں رسانکدر ءَ تران کرتگ ءُ گوشتگ کہ پسنی ءِ آدگہ جاھانی وانگجاھاں جنین ایں ٹیچر چہ وتی بازی ءَ وتی ڈیوٹیاں آدگہ جاھاں مٹ کن اَنت، پمیشکا ما مرچی زھرشانی کنگ ءَ لاچار بیتگ ایں۔
آیاں گْوشتگ کہ ما چہ وانگ ءُ زانگی تک ءِ واکداران دزبندی کن ایں کہ ھرجاگہ ءِ ٹیچر چہ ھما ھَند ءَ زورگ بہ بنت داں دیمتر ءَ چوشیں جیڑہ ودی مہ بیت۔
