گوادر:بالی پٹ ءِ نزیک ءَ مونڈی ءَ پاکستانی لشکر ءُ چیریں ادارھانی کارمنداں دوشی شپ ءِ ادار یازدہ ءَ گسے ءَ بیڑ بُرتگ ءُ مُسدِک ء مھمد ھسا ءُ ابدُل ازیز ء مھمد ھسا آوار جنگ ءَ پد بیگواہ کُرتگ۔
بنشون ءِ رد ءَ بیگواہ کنگ بیتگیں مسدِک ءُ ابدُل ازیز پیش ءَ جان مھمد بازار دشت ءِ جھمنند اَنت کہ انوں گْوادر ءَ نشتگ اَنت۔
کھول ءَ چہ میان استمان ءُ ھندی مردمی اگبالانی کارکن ءُ گوں چاگردی رسانکدر ءِ کارکناں دزبندی کُرتگ کہ پہ مُسدِک ءُ ابدُل ازیز ءِ یل کنگ ءَ توار چِست بہ کن اِت۔
