کیچ ،مشکے: فورسز کے ہاتھوں مزید دو افراد لاپتہ

بلوچستان کے ضلع کیچ سے پاکستانی فورسز نے ایک شخص کو حراست میں لینے کے بعد لاپتہ کردیا ہے۔ لاپتہ شخص کی شناخت دولت ولد حسن کے نام سے ہوئی ہے جس کو ضلع کیچ کے علاقے ہیرونک سے فورسز نے حراست میں لےکر لاپتہ کیا ہے۔ جبکہ مشکے میہی سے اطلاع ہے کہ فورسز نے چھاپہ مار رضامحمد عرف گل محمد اور اسکے بیٹے یار جان کو حراست میں لینے بعد لاپتہ کردیاہے ۔آخری اطلاع تک رات گئے رضامحمد کو چھوڑدیاہے مگر انکے بیٹے لاپتہ ہیں ۔ ذرائع بتارہے ہیں کہ فورسز نے دوران چھاپہ خواتین بچوں کو شدید ذہنی تشدد کا نشانہ بنایا ہے۔ ضلع کیچ کے علاقے سنگ آباد سے اطلاعات ہیں گذشتہ رات پاکستانی فورسز نے گھر گھر چھاپہ مارکر پورے علاقے کے لوگوں کو بشمول خواتین اور بچوں کو شدید سردی کی حالت پوری رات گھروں سے باہر رکھا ہے۔ ذرائع بتارہے ہیں کہ اس وقت فورسز نے خواتین و بچوں ذہنی اور جسمانی تشدد کا بھی نشانہ بنایا ہے جبکہ گھروں کی دروازے اور کھڑکیاں بھی فورسز کے اہلکاروں نے توڑے ہیں اور گھروں سے قیمتی سامان بھی فورسز اپنے ساتھ لے گئے ہیں۔ تاہم انتظامیہ کا موقف اس حوالے سے تاحال سامنے نہیں آیا ہے۔