پنجگور،چاغی و دکی میں مختلف حادثات میں بچہ سمیت 3افرادہلاک

اطلاعات کے مطابق گزشتہ وز پنجگور کے علاقے گرمکان میں منظور احمد ولد شفیع محمد نے اپنے گھر میں خود پر گولی چلا کر زندگی کا خاتمہ کردیا۔ خاندانی ذرائع کے مطابق مذکورہ شخص کی ذہنی توازن ٹھیک نہیں تھا اس سے قبل بھی ایسی حرکت کرتے رہتے تھے اور نشے کا عادی تھا۔ اسی طرح دالبندین کا علاقہ سوتگان میں ڈبل کیبن گاڑی الٹنے سے دس سالا بچہ ہلاک ہوگیا۔ ذرائع کے مطابق دیہی علاقہ سوتگان میں گاڑی کو حادثہ پیش آیا جس کی سبب 10 سالا بچی شدید زخمی ہوگئے۔ زخموں کے تاب نہ لاتے ہوئے چل بسی۔ دکی میں لیز روڈ کے قریب گھر کی دیوار گرنے سے ملبے تلے آکر دو سالہ بچی شدید زخمی ہوگئی۔ ہسپتال ذرائع کے مطابق بچی بی بی خاتمہ ولد شائستہ خان کو تشویشناک حالت میں سول ہسپتال دکی پہنچائی گئی۔ جسے سول ہسپتال دکی میں ابتدائی طبی امداد کے بعد مزید علاج کیلئے کوئٹہ ریفر کردیا گیا۔ دریں اثناء پنجگور کے علاقے بونستان میں فائرنگ سے مجید نامی شخص زخمی ہوئے ذرائع کے مطابق پنجگور کے علاقے نوکیا آباد دازی بونستان میں بھائی نے فائرنگ کرکے اپنے سگے بھائی کو زخمی کردیا۔ مزید تفتیش پولیس کررہی ہے۔ دوسری جانب زارت ہرنائی کراس کے قریب سنجاوی سے کوئٹہ آنے والے مسافر ویگن اور ٹرالر میں تصادم کے نتیجے میں ایک شخص ہلاک جبکہ متعدد افراد زخمی ہوگئے ہیں۔ لیویز کے مطابق ہلاک شخص کی شناخت شربت خان کے نام سے ہوئی ہے۔ علاوہ ازیں کچلاک بائی پاس پر ٹریفک حادثے میں دو افراد زخمی ہوگئے جنہیں ہسپتال منتقل کردیاگیاہے۔