کچھی ،تربت ( نامہ نگار ) ضلع کچھی کےعلاقہ حاجی شہر تور بند کی حدود میں نامعلوم مسلح افراد کی فائرنگ سے دو افراد جاں بحق۔ واقعے کے بعد مختلف علاقوں میں ملزمان کی تلاش کے لیے چھاپے مارے جا رہے ہیں۔
ایس ایچ او حاجی شہر مصطفیٰ کلہوڑا کے مطابق جاں بحق افراد کی لاشیں سبی سول ہسپتال منتقل کر دی گئی ہیں۔ مقتولین کے پاس شناختی کارڈ موجود نہیں تھے، جس کے باعث ورثاء کی تلاش جاری ہے۔
مزید تفتیش جاری ہے۔
علاوہ ازیں تربت سنگئی سر کراس ایم ایٹ روڈ پر موٹر سائیکل اور گاڑی میں تصادم، موٹر سائیکل سوار ہلاک
ایم ایٹ روڈ پر سنگئی کراس کے مقام پر موٹر سائیکل اور ایک گاڑی کے درمیان شدید تصادم کے نتیجے میں موٹر سائیکل سوار موقع پر ہلاک ہو گیا۔
ابتدائی اطلاعات کے مطابق حادثہ تیز رفتاری کے باعث پیش آیا، جس میں موٹر سائیکل سوار گاڑی سے ٹکرا گیا۔ ہلاک ہونے والے شخص کی شناخت امین ولد محمد کے نام سے ہوئی ہے جو آواران کا رہائشی بتایا جاتا ہے۔
حادثے کے بعد مقامی افراد نے امدادی کارروائی کرتے ہوئے پولیس کو اطلاع دی۔ پولیس نے لاش کو تحویل میں لے کر ضروری کارروائی کے بعد اسپتال منتقل کر دیا جب کہ حادثے کی وجوہات جاننے کے لیے تحقیقات شروع کر دی گئی ہیں۔