کچھی( نامہ نگار ) ایس ایس پی کے قافلے پر فائرنگ ،پولیس کے مطابق ایس ایس پی کچھی حال ہی میں پولیس تھانہ حاجی شہر میں مسلح افراد کے حملے اور سرکاری ریکارڈ کو نذرِ آتش کیے جانے کے واقعے کا جائزہ لینے کے لیے پہنچے تھے۔ نقصان کا معائنہ کرنے کے بعد وہ واپس روانہ ہوئے، واپسی کے دوران سنی اور بھاگ کے درمیان علاقے میں موٹر سائیکل سوار حملہ آوروں نے اچانک ان کے قافلے پر اندھا دھند فائرنگ کر دی۔
پولیس کے مطابق دونوں جانب سے تقریباً بیس سے پچیس منٹ تک شدید فائرنگ کا تبادلہ جاری رہا، تاہم حملہ آور موقع سے فرار ہونے میں کامیاب ہو گئے۔ ایس ایس پی کچھی اور تمام پولیس اہلکار فائرنگ سے محفوظ رہے۔
واقعے کے بعد علاقے کی ناکہ بندی کر کے سرچ آپریشن شروع کر دیا گیا ہے، اور مسلح افراد کی تلاش کے لیے اقدامات جاری ہیں۔