شالکوٹ( نامہ نگار ) مقبوضہ بلوچستان کے علاقے تربت ناصر آباد میں نامعلوم مسلح افراد کی فائرنگ سے ایک شخص ہلاک ہوگیا۔
علاقائی ذرائع کے مطابق واقعہ اس وقت پیش آیا جب جلال ولد محمد، ساکن ناصر آباد، سروس اسٹیشن پر گاڑی کی صفائی میں مصروف تھا کہ موٹر سائیکل پر سوار نقاب پوش افراد نے اسے نشانہ بنایا اور فائرنگ کرکے قتل کردیا۔
علاقائی ذرائع کے مطابق جلال زمیاد گاڑی کا ڈرائیور تھا اور اس کے خاندان کو پہلے بھی سنگین صورتحال کا سامنا رہا ہے۔ بتایا جاتا ہے کہ مقتول کے دو بھائی ماضی میں قابض پاکستانی فورسز نے لاپتہ کیے تھے جن میں سے ایک تاحال بازیاب نہیں ہوسکا۔
علاوہ ازیں قلات پولیس کو ایک نامعلوم شخص کی نعش ملی ہے، جو اس وقت سول ہسپتال قلات میں موجود ہے۔اگر کوئی اس کی شناخت جانتا ہو تو براہِ کرم قلات پولیس سے رابطہ کریں۔