منگچر ( نامہ نگار ) خالق آباد تحصیل کے علاقے سربند زرد غلام جان میں نامعلوم افراد کی فائرنگ سے 7 افراد ہلاک ہوگئے۔
لیویز ذرائع کے مطابق واقعہ زرد غلام جان کے قریب پیش آیا، جہاں نامعلوم مسلح افراد نے فائرنگ کی، جس کے نتیجے میں شاکر سعداللہ لانگو، شاکر خیراللہ لانگو (پسران مولا بخش)، محمد کریم ولد محمد (سکنہ حال کوئٹہ) اور محمد ظاہر ولد خالقداد اقوام لانگو سمیت 7 افرد موقع پر ہی ہلاک ہوگئے۔ فائرنگ کے بعد مسلح افراد موقع سے فرار ہوگئے۔
واقعے کی اطلاع ملتے ہی لیویز فورس اور انتظامیہ موقع پر پہنچ گئی اور نعشوں کو ضابطے کی کارروائی کے بعد ہسپتال منتقل کردیا گیا۔
باخبر ذرائع کا کہنا ہے کہ ھلاک ہونے والوں کا تعلق مقامی ڈیتھ اسکوائڈ سے ہے اور مرنے والوں میں ان کا سرغنہ سعد اللہ بھی شامل ہے ۔
مسلح افراد نے انکے خفیہ ٹھکانے پر حملہ کرکے انھیں قتل کردیا ۔