زہری ( بلوچستان ٹوڈے ) پاکستانی فورسز نے گھروں کی تلاشی کے دوران رہائشیوں کو تشدد کا نشانہ بنایاگیااور
فورسز نے گھروں پر چھاپوں کے دوران ایک خاتون سمیت چار افراد کو حراست میں لے کر نامعلوم مقام پر منتقل کردیا ۔ خاتون کی شناخت صفیہ بی بی جبکہ مردوں کی شناخت زاہد ولد عزیز، آصف بلوچ اور اسد کے ناموں سے ہوا ہے۔
علاقہ میں تاحال پاکستانی فورسز کے آپریشن کی زد میں ہے، جہاں فورسز نے کرفیو نافذ کرکے تمام داخلی و خارجی راستے سیل کردیے ہیں۔
پاکستانی فورسز کی بڑی تعداد اس وقت نورگامہ شہر میں موجود ہے، جبکہ رہائشیوں کو گھروں میں رہنے کی ہدایت کی گئی ۔
واضح رہے کہ 15 ستمبر کو پاکستانی فورسز کی فضائی حملوں کے نتیجے میں دو خواتین سمیت سات افراد جانبحق ہوگئے تھے، جس کے دس روز بعد 27 ستمبر کو پاکستانی فورسز نے زمینی آپریشن کا آغاز کیا تھا۔
زہری میں جاری آپریشن کے باعث علاقہ مکین گزشتہ دو ہفتوں سے محصور ہیں، جبکہ فورسز نے زہری آنے اور جانے والے تمام راستے بند کر رکھے گئے ہیں اور علاقے میں انٹرنیٹ و موبائل سروسز بھی معطل ہیں۔