کیچ( نامہ نگار )
تربت میں چوری کی وارداتوں میں تیزی سے اضافہ ہو رہا ہے۔ ایک ہی دن میں شہر کے مصروف علاقوں سے دو موٹر سائیکل چوری کر لیے گئے۔
عینی شاہدین کے مطابق پہلا واقعہ الائیڈ بینک کے سامنے جبکہ دوسرا زونگ فرنچائز کے قریب پیش آیا جہاں نامعلوم افراد موٹر سائیکل لے کر فرار ہوگئے۔
علاقہ مکینوں اور متاثرہ شہریوں نے پولیس پر غفلت برتنے اور صرف بھتہ خوری میں مصروف رہنے کا الزام عائد کیا ہے۔ ان کا کہنا ہے کہ تربت اب چوروں کی محفوظ پناہ گاہ بن چکا ہے جبکہ پولیس شہریوں کے جان و مال کے تحفظ میں مکمل طور پر ناکام دکھائی دیتی ہے۔