خاران ( مانیٹرنگ ڈیسک )بلوچستان کے ضلع خاران میں واقع باب خاران کے قریب نامعلوم مسلح افراد نے ڈی آئی جی پولیس آفس کمپلیکس پر حملہ کر دیا۔
ذرائع کے مطابق کمپلیکس پر جاری تعمیراتی کام کے دوران حملہ کیا گیا، جس کے نتیجے میں ایک پولیس اہلکار زخمی ہو گیا۔
زخمی پولیس اہلکار کی شناخت عبدالقیوم ولد محمد حنیف سکنہ نوشکی کے طور پر ہوا ہے، جسے طبی امداد فراہم کی جا رہی ہے۔
حملے کے بعد مسلح افراد نے پولیس اہلکاروں سے سرکاری اسلحہ بھی چھین لیا اور موقع سے فرار ہو گئے۔
واقعے کے بعد قابض فورسز نے علاقے کو گھیرے میں لے کر حملہ آوروں کی تلاش شروع کر دی ۔