مستونگ ( مانیٹرنگ ڈیسک)بلوچستان نیشنل پارٹی کے سربراہ سردار اختر جان مینگل نے لک پاس کے مقام پر ،تحفظ ناموس دھرنا سے خطاب کرتے ہوئے کہا کہ آپ ساتھیوں کی تکالیف و مشکلات ہمارے سرخرو ہونے کا موجب بنیں گے۔ سردار نے کہا کہ انشاء اللہ تعالیٰ سہب ننا مرو. فتح ہماری ہوگی۔
انہوں نے کہا کہ ہمارے سیاسی کارکنوں کو رہا کیا جائے، یہ ہماری مرضی ہے کہ ہم شال میں کہاں بیٹھیں ہاکی گراؤنڈ یا کسی اور جگہ، ، یہ فیصلہ آپکا نہیں ہمارا ہوگا۔ اس وقت تمھارا باپ بھی سننے کو تیارہوگا ۔
سردار مینگل نے کہا کہ وزیر اعلیٰ کو خوف ہے شرکاء لانگ مارچ مجھ سے وزیر اعلی کی کرسی چھیننا چاہتے ہیں ، ہم وزیر اعلیٰ اور اسکے ساتھیوں کے ضمیر کو جگار ہے ہیں، آج شام کو دھرنا میں ایک اہم اعلان ہوگا۔تمام باشعور اور باضمیر بلوچ اپنی شرکت یقینی بنائیں۔
دھرنے منتظمین کے مطابق نوشکی ، کوئٹہ،مستونگ کے داخلی وخارجی راستوں کو بند کرکے لوگوں کو عوامی، آمدورفت، جم غفیر سے خوف زدہ ہے۔ عوام سے اپیل ہے کہ منظم و متحد ہو جائیں،یکانگت کا مظاہرہ کریں اور کثیر تعداد میں دھرناگاہ پہنچ جائیں۔
علاوہ ازیں دھرنے میں علاقائی معززین نے آکر اخترجان مینگل کو بلوچی بگڑی باندھی اور جہد کو سراہا کہ آپ قومی ننگ ناموس کی رہائی کیلے کھڑے ہوگئے ہیں۔