بلوچستان کے مرکزی شہر کوئٹہ اور مستونگ سے پاکستانی فورسز کے ہاتھوں جبری لاپتہ ہونے والے تین افراد بازیاب ہوگئے۔
تفصیلات کے مطابق رواں سال مارچ کو کوئٹہ گھر سے پاکستانی فورسز کے ہاتھوں جبری لاپتہ ہونے والا نوجوان داؤد سمالانی بازیاب ہوکر گھر پہنچ گئے ۔
دریں اثنا مستونگ مرو سے تین مہینے قبل پاکستانی فورسز کے ہاتھوں جبری لاپتہ دو نوجوان سمیع اللہ اور عبدالنبی بھی بازیاب ہوکر گھر پہنچ گئے ہیں ۔لواحقین نے انکی بازیابی کی تصدق کی ہے۔
اس طرح پاکستانی فورسز کے ہاتھوں جبری گمشدگی کا شکار ہونے والے نوجوان بازیاب ہو کر اپنے گھر پہنچ گئے۔
ذرائع کے مطابق، بازیاب ہونے والے نوجوان کی شناخت داؤد سمالانی ولد ماسٹر عنایت اللہ بلوچ کے طور پر ہوئی ہے، جو کلی شاہنواز، سریاب کے رہائشی ہیں۔
ان کی بازیابی کی تصدیق وائس فار بلوچ مسنگ پرسنز کے سیکریٹری جنرل، حوران بلوچ نے سوشل میڈیا پر کرتے ہوئے بتایا کہ داؤد بلوچ بازیاب ہو کر اپنے گھر پہنچ چکا ہے ۔