بارکھان ،پسنی ( مانیٹرنگ ڈیسک) بلوچستان ضلع بارکھان سے پاکستانی فورسز نے 7 اور پسنی سے ایک نوجوان کو حراست میں لیکر جبری لاپتہ کردیا۔
تفصیلات کے مطابق 8 مارچ 2025 کو دن کے تین بجے کے قریب ایف سی و پولیس کے اہلکاروں نے ایک بار پھر حاجی احمد بخش کے گھر پر چھاپہ مار کر ان سمیت سات افراد امام بخش ، عبداللہ جان،محمد طاہر ، محمد اکبر ،غلام رسول اور غلام فرید کونامی شخص کو حراست میں لیکر جبری لاپتہ کردیا ۔
لواحقین کا کہنا ہے تمام افراد تاحال لاپتہ ہیں ، انھوں نے کہاہے کہ
ہمارے خاندان کے سات افراد کو لاپتہ کیے جانے کے باوجود ہمیں مسلسل ہراساں کیا جا رہا ہے۔ یہ ایک نہایت تکلیف دہ اور خوفناک صورتحال ہے، جس نے نہ صرف ہمارے خاندان کو صدمے میں مبتلا کر دیا ہے۔
ہم بلوچ قوم سے درخواست کرتے ہیں کہ ہماری آواز بنیں۔
دوسری جانب ضلع گوادر کے تحصیل پسنی سے گزشتہ رات پاکستانی فورسز نےتیمور ولد کریم بخش نامی نوجوان کو حراست میں لیکر نامعلوم جگہ منتقل کردیا ہے، جس کے بعد وہ لاپتہ ہے۔