کیچ ( مانیٹرنگ ڈیسک ) تربت سول سوسائٹی کی کال پر معروف سماجی شخصیت اور ساچان گرائمر سکول کے ڈائریکٹر شریف زاکر پر قاتلانہ حملے کے خلاف آج بدھ کو تربت شہر میں مکمل شٹرڈاؤن ہڑتال رہا۔
ہڑتال کے باعث شہر میں تمام دکانیں اور کاروباری مراکز بند رہے جب کہ بینک، پٹرول پمپس، مالیاتی ادارے سمیت دفاتر اور پرائیویٹ ادارے بند رہے۔
شریف زاکر پر حملے کے خلاف آج بدھ کو پرائیویٹ اسکولز ایسوسی ایشن نے احتجاجاً اسکولز بند رکھنے کا اعلان کیا جب کہ کیچ بار اور مکران بار ایسوسی ایشن کی طرف سے عدالتی کاروائیوں کے بائیکاٹ کے سبب عدالتی امور بھی ٹھپ رہ گئے ۔
آپ لو علم ہے منگل کو نامعلوم افراد نے شریف زاکر پر قاتلانہ حملہ کرکے اسے زخمی کیا تھا، ان کے پاؤں پر دو گولیاں لگیں اور وہ ہسپتال میں زیر علاج ہیں۔