شال ( مانیٹرنگ ڈیسک ) پسنی چنگ چی رکشہ چلانے والے نوجوان کو قتل کر دیا گیا ، نعش جڈی ہور سے برآمد ، پولیس کے مطابق طلا ولد سفر سکنہ پراھگ محلہ وارڈ نمبر 7 پسنی کو گزشتہ شب جڈی ہور کے مقام پر نامعلوم افراد نے قتل کرکے اس کے نعش پر مٹی ڈال دی، جبکہ اس کے جیب میں موجود موبائل اور موٹر سائیکل جائے وقوعہ سے نہیں ملے۔
لواحقین کے مطابق مقتول جمعرات کی شام کو گھر سے نکلا تھا اور اس کا نمبر بند جا رہا تھا جس کی نعش جمعہ کی صبح جڈی ہور سے ملی ، پولیس کے مطابق مقتول کو گولی مار کر قتل کر دیا گیا ہےاور مقتول کے جیب سے 7 ہزار روپے نقدی موجود تھے، اس متعلق پولیس مزید تفتیش کر رہی ہے اور نامعلوم ملزم/ ملزمان کی تلاش جاری ہے ۔
ڈیرہ مراد جمالی ، شوران گنداواہ روڈ پر ٹریفک حادثے میں ایک شخص ھلاک ایک شدید زخمی پولیس کے مطابق شوران گنداواہ روڈ پر ٹریکٹر ٹرالی اور موٹر سائیکل کے درمیان ٹکرانے سے موٹر سائیکل سوار میر حسن رند موقع پر ھلاک جب کے ایک شخص زخمی ہو گیا جنھیں مقامی ہسپتال منتقل کردیا گیا ۔
اوتھل بیلہ کے قریب دو مختلف حادثات میں لیویز اہلکار سمیت دو افراد ھلاک 8 زخمی ہوگئے ،ریسکیو زرائع کے مطابق بیلہ کے قریب جھاو کراس روڈ پر آواران جانے والی مسافر بس تیز رفتاری کے باعث الٹ گئی ،جس کے نتیجے میں ایک مسافر عبدالرزاق ولد محمد اسحاق بلوچ سکنہ جھاو موقع پر ہی ھلاک جبکہ 3 خواتین سمیت 8 مسافر زخمی ہوگئے۔
زخمیوں میں شاکر ولد دلمراد بلوچ سکتہ جھاو عمر 30 سال، غلام نبی ولد محمد دین سکنہ نال عمر 45 سال،داد رحمان ولد فدا بلوچ سکنہ جھاو ، عمر 18 سال، بدل ولد مولا بخش بلوچ قوم سکنہ جھاو عمر 25 سال، راشد ولد محمد ارشاد بلوچ سکنہ بیلہ عمر 40 سال، بدل ولد محمد عمر قوم بلوچ سکنہ جھاو،خان بی بی زوجہ محمد جمعہ سکنہ جھاو آواران،صائمہ زوجہ شاکر بلوچ سکنہ جھاو عمر 23 سال، خان بی بی زوجہ محمد جان قوم بلوچ سکنہ جھاو شامل ہیں۔مسافر بس آوران جاری تھی۔
نعش اور زخمیوں کو ریسکیو 1122 اور ایدھی ایمبولینسز کے زریعے سول ہسپتال بیلہ منتقل کیا گیا۔جب کہ ایک دوسرے حادثے میں بیلہ کے قریب کانکی کے مقام پر ایکسیویٹر اور موٹر سائیکل میں تصادم کے نتیجے میں موٹر سائیکل سوار لیویز اہلکار حوالدار محمد ولد دلمراد قوم چنال ھلاک ہوگیا۔نعشوں کو سول ہسپتال بیلہ منتقل کردیا گیا جہاں پر ضروری کاروائی کے بعد نعشیں ورثاء کے حوالے کردی گئی۔