پنجگور ،کوئٹہ،تربت ( مانیٹرنگ ڈیسک )
بلوچستان کے مرکزی شہر شال بلوچی اسٹریٹ میں نامعلوم افراد کی فائرنگ سے 11 سالہ لڑکی ھلاک ہوگئی ہے ،تاہم واقعہ کے محرکات معلوم نہیں ہوسکے ہیں ۔
تربت مسلح افراد کی فائرنگ سے ایک شخص قتل
پولیس کے مطابق تربت کے علاقہ بہمن میں موٹرسائیکل پر سوار نامعلوم مسلح افراد نے آتشی اسلحہ سے فائرنگ کرکے ریاض نامی شخص کو قتل کردیا۔
ادھر پنجگور کے علاقے تارآفیس چتکان ائیرپورٹ روڈ بگٹی چوک کے قریب دو موٹر سائیکلوں کے درمیان تصادم ایک شخص ھلاک تین زخمی ہوگئے ، رسیکیو ذرائع کے مطابق دو مؤٹر سائیکلوں میں تصادم کے نتیجے میں غلام جان ولد صدیق قوم بلوچ ساکن مری آباد سوردو نامی شخص ھلاک ہوا ہے ، جبکہ اس کا بھائی ستار زخمی ہوا ہے ،دوسری جانب دوسرے موٹر سائیکل پر سوار زاہد ولد خدارحم عبد ولد علی نواز اور محمد آصف ولد محمد عالم اقوام زہری ساکنان قلات حال چتکان نامی افراد زخمی ہوئے ہیں ، نعش اور زخمیوں کو ٹیچنگ ہسپتال منتقل کر دیا گیا ہے۔
جبکہ دوسرے واقع میں زبیر ولد خان محمد سکنہ سورو مند گیاب زخمی اسکا ساتھی پنجگور روڈ حادثہ میں ھلاک ہوا ہے ۔