کراچی ،کیچ ، سبی ( مانیٹرنگ ڈیسک ) بلوچستان سبی، ضلع کیچ سے 2 نوجوان اور کراچی سے ایک بلوچ نوجوان کو پاکستانی فورسز نے جبری لاپتہ کردیا ہے ۔
کیچ کے علاقے کیکن سے اطلاعات ہیں اٹھارہ اکتوبر کو گھر جاتے ہوئے عطاء محمد نامی شخص کو پاکستانی فورسز نے حراست میں لے کر لاپتہ کردیا تھا۔ جس کے بعد سے وہ لاپتہ ہے۔
اسی طرح سبی سے پاکستانی فورسز نے جاور ولد دلاور نامی شخص کو حراست میں لے کر لاپتہ کردیا ہے ، جس کے بعد سے اس کے بارے میں اطلاعات موصول نہیں ہوئے کہ کہاں اور کس حال میں ہیں۔
ادھر کراچی کے بلوچ اکثریتی علاقہ لیاری کلری سرگوات کے مقام پر گزشتہ رات تین بجے کے قریب پاکستانی فورسز نے چھاپہ مارکر محبت ولد اشرف نامی ایک شخص کو حراست میں لے کر لاپتہ کردیا ہے۔
آپ کو علم ہے کہ مذکورہ شخص اس قبل بھی اٹھارہ فروری دوہزار اکیس کو جبری گمشدگی کے شکار بن چکے ہیں، جو اس وقت طویل جبری گمشدگی کے بعد بازیاب ہوئے تھے، جو آج ایک بار پھر لاپتہ کردیئے گئے۔