بلوچستان ضلع گوار تحصیل پسنی سے لاپتہ طالبعلم بہادر بشیر بازیاب ہوگئے، خاندانی ذرائع نے ان کے بازیابی کی تصدیق کر دی۔
تفصیلات کے مطابق پسنی وارڈ نمبر پانچ کے رہائشی اور کراچی یونیورسٹی کے طالب علم بہادر بشیر جسے 23 جون کو پسنی سے لاپتہ کر دیا گیا تھا ، جس کی بازیابی کے لئے لواحقین نے مکران کوسٹل ہائی وے کو احتجاجاً بند کر دیا تھا اور ضلعی انتظامیہ نے ان کی بازیابی کیلئے لواحقین سے ایک ہفتے کی مہلت مانگ لی تھی ، آج ڈیڈ لائن کے ساتویں روز وہ بازیاب ہوگیا، خاندانی ذرائع نے اسکی بازیابی کی تصدیق کر دی ہے۔