خضدار دو سگے بھائی بھی جان کی بازی ہار گئے، زامران میں جاسوس کیمرے اڑادیئے گئے

 

خضدار چمروک دھماکہ میں مزید افراد ھلاک ہو گئے ۔ تفصیلات کے مطابق خضدار چمروک دھماکے میں صدر خضدار پریس کلب مولانا صدیق مینگل سمیت دو اور نوجوان محمد کریم اور محمد وارث زخموں کی تاب نہ لاتے ہوئے ھلاک ہو گئے ، ھلاک  نوجوان سگے بھائی بتائے جاتے ہیں ، دونوں نوجوان معروف عالم دین علامہ حافظ عبدالرشید ساسولی کے کزن بتائے جاتے ہیں۔

علاوہ ازیں بلوچستان کے ضلع کیچ کے علاقے زامران میں گذشتہ رات مسلح افراد نے پاکستان فوج کی جانب سے نصب جاسوس کیمرے اور ان سے منسلک سولر پلیٹس کو فائرنگ کرکے تباہ کردیا۔

ذرائع کے مطابق ساہ دیم کے علاقے میں مذکورہ کیمرے نصب تھے جو خودکار طور پر نقل و حرکت کو ڈیٹیکٹ کرنے سمیت رات کے وقت بھی دیکھنے کی صلاحیت رکھتے تھے۔

آخری اطلاع تک مذکورہ حملے کی ذمہداری  تاحال کسی نے قبول نہیں کی ہے۔