خضدار میں بدامنی کی وارداتوں میں مسلسل اضافہ رات گئے ایک دردناک واقعہ پیش آیا بازگیر یوسی کھنڈ خضدار میں درجن بھر مسلح افراد نے ایک گھر میں گھس کر اہلخانہ کو یرغمال بناکر اپنی مرضی سےلوٹ شروع کردی اورمزاہمت پر مالک مکان خضدار جھالاوان سبزی منڈی کے صدر علی حسن محمد حسنی کو فائرنگ کرکے قتل کردیا۔
مسلح افراد لوٹ اورقتل کے بعد فرار ہونے میں کامیاب ہو گئے ۔
خضدار پولیس اس متعلق تفتش کررہی ہے۔
خضدار سیاسی وسماجی حلقوں اور انجمن تاجران خضدار کے صدر و دیگر تاجر رہنماوں نے علی حسن محمد حسنی کے قتل کی شدید الفاظ میں مذمت کرتے ہوئے کہاہے کہ خضدار کے عوام مسلح رہزنوں کے رحم و کرم پر ہیں ۔
انھوں نے کہاہے کہ خضدار میں پہلے آئے روز ڈکیتی ہورہی تھی اب تو انہوں نے شہریوں کی جان لینا بھی شروع کردیا ہے۔ ایک اہم سیاسی اور تاجر رہنمائ کو گھر میں گھس کر بے دردی سے قتل کرنا دلخراش اور افسوسناک واقعہ ہے۔ ان واقعات سے شہریوں میں خوف و ہراس میں مذیداضافہ ہوگا۔
پولیس اور ضلعی انتظامیہ عوام کی جان و مال کی حفاظت میں بری طرح ناکام رہی ہیں۔
انھوں نے کہاہے کہ گزشتہ روز حب میں شہریوں نے اپنی مدد آپ کے تحت ڈاکووں کا مقابلہ کرکے اور اپنی حفاظت خود کیا اب نوبت اس حد تک پہنچی ہے کہ خضدار کے شہری بھی خود اپنی حفاظت کا بندوبست کردیں۔ چونکہ حکومت اور مقامی فورس عوام کو تحفظ دینے میں ناکام ہوچکی ہے۔