پاکستانی فورسز نے کراچی سے دو بلوچوں کو جبری حراست میں لینے کے بعد ایک کو دوران حراست قتل کردیا، جبکہ ایک تاحال لاپتہ ہے۔ تفصیلات کے مطابق کراچی میں پاکستانی فورسز کے اہلکاروں نے دو بلوچ نوجوانوں شریف بگٹی اور سلمان بگٹی
کو حراست میں لیکر لاپتہ کر دیا ،بعد ازاں ایک کو تشدد کا نشانہ بنا کر قتل کردیا جبکہ ایک اب بھی لاپتہ ہے۔
ذرائع کا کہنا ہے کہ کراچی گھگھر پھاٹک کے مزدوری سے واپس آتے ہوئے قریب بگٹی برادری سے تعلق رکھنے والے مزدور نوجوانوں کے ساتھ ایف ڈبلیو او کمپنی کے گارڈز نے ایک نوجوان شریف بگٹی کو تشدد کر کے قتل کردیا جب ایک نوجوان سلمان بگٹی تاحال لاپتہ ہے۔
ذرائع کے مطابق قتل ہونے والے نوجوان کی نعش فورسز نے روڈ پر پھینگ دیا ، جبکہ رضا کاروں نے نعش جناح اسپتال منتقل کردیا ۔